Lajme lojërash

Zhvilluesi i Capcom: Lojërat e gjeneratës së ardhshme kërkojnë 8-10 herë më tepër punë

Jan 15 2014
0 Shpërndarje
Zhvilluesi i Capcom: Lojërat e gjeneratës së ardhshme kërkojnë 8-10 herë më tepër punë

“Është e qartë që rritja e cilësisë së lojës çon në rritje të numrit të orëve të punës,” tha në një intervistë të postuar në uebfaqen zyrtare të kompanisë, menaxheri i lartë i Menaxhimit të Teknologjisë në Capcom, Masaru Ijuin.

“Sasia e punës së përfshirë në prodhim të lojërave për konsollat e gjeneratës së ardhshme është tetë deri në dhjetë herë më tepër se sa që kërkohet për gjeneratën e tanishme të konsollave.”

Ijuin diskutoi punën që ai është duke e bërë në makinën e re Panta Rhei të Capcom-it për Xbox One dhe PlayStation 4, të cilën e përdor Deep Down. Ajo do të zëvendësojë makinën e vet të tanishme MT Framework të cilën Capcom e përdori për të ndërtuar të gjitha lojërat e veta për Xbox 360 dhe PlayStation 3.

“Duke shikuar përpara zhvillimin e lojërave për konsollat e gjeneratës së ardhshme, ne e menduam që kemi nevojë që ta ndryshojmë tërësisht ambientin e zhvillimit për të përballuar më mirë harduerin të cilt po i shtohet ndërlikueshmëria,” tha Ijuin. “Kjo është pse ne kemi filluar zhvillimin e kësaj makine të re.”

Ai tha që nëse ndërmarrja vendosi që thjesht të përmirësojë makinën MT Framework, ajo do të mund të zvogëlonte kohën e nevojshme për punë nga një orë në 30 minuta, por që qëllimi i tij është të zvogëlojë ata 30 minuta në 10.Derisa Capcom do të përdor vetëm Panta Rhei për Xbox One dhe PS4 për të shkuar përpara, ai ende do të përdor MT Framework për Wii U dhe një version të modifikuar të makinës për PS Vita, 3DS dhe smartfonëve. (GameWorld Albanian)

Tags >

lojëra
Lajmet e fundit>