Lojërat

Sony do të çaktivizojë përkohësisht dy karakteristika të PlayStation 4 në Evropë

Nov 30 2013
0 Shpërndarje
Sony do të çaktivizojë përkohësisht dy karakteristika të PlayStation 4 në Evropë

Kur të lançohet në Evropë PlayStation 4 nga dita e premte, 29 nëntor, pajisjes do t’i mungojnë dy karakteristika të rëndësishme që lidhen me PlayStation Network.

Sony është shprehur se do të çaktivizojë What’s New, furnizuesin social që u mundëson lojtarëve të shohin se çfarë kanë bërë miqtë e tyre si dhe Content Information Screen, e cila shfaq veprimtaritë që lidhen me një lojë të caktuar që mund të keni përzgjedhur. Fred Dutton, menaxher i blogut të SCË, u shpreh se “Këto karakteristika do të aktivizohen disa ditë më vonë, pasi të ulet intensiteti i blerjeve të ditëve të para.”

Vendimi është marrë për t’u siguruar që Sony të mbajë ritmin e lojtarëve shtesë që mund ta përdorin sistemin në 29 nëntor. Gjithë veçoritë e tjera që janë konfirmuar për PlayStation Network në Evropëe do të jenë të përfshira. Këtu përfshihen veçoritë për të nisur sesione lojërash online me shumë lojtarë, chat-imi me miqtë, shpërndarja e videove si dhe shtimi i trofeve. (GameWorld Albanian)

Lajmet e fundit>