Lojërat

Llogaria e re në Rovio iu mundëson që të ruani nivelet e përfunduara në Angry Birds

Jul 27 2013
0 Shpërndarje
Llogaria e re në Rovio iu mundëson që të ruani nivelet e përfunduara në Angry Birds

A jeni dashamirës i lojës Angry Birds? A e urreni kur duhet të kryeni sërish të gjitha nivelet kur shkëmbeni pajisjet? Më për këtë nuk keni nevojë që të shqetësoheni, sepse zhvilluesi i kësaj loje ka lëshuar mundësinë për llogarinë Rovio që iu mundëson përdoruesve që të ruajnë progresin e tyre në lojë në një pajisje dhe ta vazhdojnë më pas atë në çfarëdo pajisje tjetër.

Pas disa muajsh të testimit, Rovio më në fund ka lëshuar veçorinë për iOS dhe Android. Veçoria për momentin është në dispozicion për lojën origjinale Angry Birds, e po ashtu edhe The Croods. Sidoqoftë, Rovio është duke punuar që të sigurohet që kjo veçori kalon edhe tek versionet e tjera të Angry Birds.

Krijimi i një llogarie është gjë vërtet e thjeshtë dhe e lehtë. Lëshojeni lojën në pajisjen tuaj, shkoni sipër opsionit të llogarisë dhe ndiqni udhëzimet pasuese në ekran për të krijuar një llogari. Kur i ndërroni pajisjet, thjesht kyçuni në pajisjen tjetër dhe ai automatikisht do të hapë të gjitha nivelet e lojës që i keni kryer. (GameWorld Albanian)

Lajmet e fundit>